Фолк-пејачката Анета Љумаковска и нејзиниот партнер, музичарот Рубин Ражмоски, уште еднаш покажаа дека се неразделни и дека секој слободен момент го користат за заедничко патување и уживање.
Овојпат, парот се јави со прекрасна заедничка фотографија од патувањето во Белград. Најновата објава на социјалните мрежи, снимена на популарното шеталиште покрај Сава – „Белград на вода“, ги прикажува во опуштено, лежерно издание, со насмевки кои зборуваат за нивната среќа. Анета изгледа свежо и елегантно во тексас јакна, додека Рубин ја дополнува во црна класична комбинација.
Како позадина на оваа белградска разгледница, тие ја одбраа безвременската балада од 1979 година, „Ти си песна што трае“ во изведба на Верица Ристевска. Овој избор на стихови за многумина е јасна порака за силата и траењето на нивната љубов..
