Сузана Гавазова го одбележа 11. роденден на својата помала ќерка Селена со емотивна објава на социјалните мрежи.
Пејачката сподели видео составено од семејни фотографии и снимки направени низ годините, на кои се гледаат заеднички моменти со Селена, постарата ќерка Емелие и сопругот Јасмин, како и кадри од нивните патувања.
Покрај видеото, Гавазова ѝ упати и роденденска порака на својата ќерка.
„Среќен 11-ти роденден Селена!
Денес славиме 11 години исполнети со твојата насмевка, добрина, љубов и радост.
Ти си нашата гордост, нашата сила и најубавата причина секој ден да бидеме среќни.
Ти посакуваме да растеш здрава, среќна, храбра и секогаш со насмевка на лицето.
Нека сите твои соништа се исполнуваат, а животот нека ти донесе безброј убави моменти, искрени пријателства и многу љубов.
Те сакаме неизмерно и секогаш ќе бидеме покрај тебе. Среќен роденден, наша принцезо!
Со бескрајна љубов, мама, тато и Емелие!“, напиша Сузана.
Сузана Гавазова и нејзиниот сопруг Јасмин се родители на две ќерки. Постарата, Емелие, во април годинава го прослави својот 12. роденден, а семејството често споделува моменти од заедничките патувања и семејниот живот на социјалните мрежи.
