Принцезата Лилибет, најновиот член на семејството Сасекс, ќе стане најпознатата американска славна личност, според кралскиот експерт Сандро Монети.
Монети тврди дека принцот Хари и Меган Маркл основаат „алтернативно кралско семејство“ во САД, а како единствена принцеза родена во Калифорнија, Лилибет е подготвена за ѕвезда.
Иако двегодишното девојче едвај може да се види во јавноста, нејзиното неодамнешно тајно крштевање во семејниот дом во Монтесито го подигна интересот на јваноста за неа како за многу важна личност. Но и нејзината соодветна кралска титула, го зголеми нејзиниот потенцијал за слава.
Според Монети, славата на Лилибет во иднина само ќе расте: „Замислете, 21-годишна Лилибет, таа ќе биде најголемата славна личност во градот“, рече тој во интервјуто за „Вистински кралски подкаст“ на HELLO!.
Тој, исто така, објасни дека присуството на Хари и Меган во Калифорнија создаде алтернативно кралско семејство, а активизмот и јавните настапи на парот привлекоа значително внимание.
Princess Lilibet set to become ‘most famous’ US celebrity as Prince Harry and Meghan start ‘another Royal Family’ https://t.co/g64MWG5Rr6 pic.twitter.com/VfRMOsENgw
— GoodtoKnow (@GoodtoKnow) March 17, 2023
Ова внимание не е ограничено само на САД. Како што забележа Монети, во Британија има многу повеќе луѓе кои се фанови на кралски личности.
Работата на Хари и Меган со Нетфликс, подкастот на Меган на Spotify и нивното присуство на престижните церемонии за доделување награди придонесоа за нивната зголемена слава, а со тоа тие паралелно работат и на славата на нивните деца.
Princess Lilibet Christened in Private California Ceremony by Meghan and Prince Harry: Prince Harry… https://t.co/Jo0fbllEne #celebrities
— Celeb Tattler (@CelebTattler) March 9, 2023
На крајот на краиштата, позицијата на Лилибет како член на кралско семејство родена во Калифорнија ја издвојува од која било друга потенцијална славна личност. Како што кажа Монети: „Таа е единствената принцеза родена во Калифорнија“. Оваа уникатност, заедно со зголемената популарност на семејството од Сасекс, има потенцијал да ја направи Лилибет најпознатата личност во Америка.
Само времето ќе покаже дали предвидувањето на Монети ќе се оствари, но јасно е дека семејството Сасекс го привлече вниманието на публиката од двете страни на Атлантикот.
