Признанија за животни достигнувања на првото издание на манифестацијата „Фолк вечер на популарноста” која се одржа синоќа во хотел во Кочани добија Сузана Спасовска и Наум Петрески.
Награди добија и Ленче и Горан Кукиќ, Јордан Митев, Сузана Гавазова, Влатко Миладиноски, а постхумно признание беше доделено за хармоникашот и композитор Милан Завков.
-Одејќи по патот на македонската песна овие 37 години, добивав признанија и награди кои се многу значајни и единствени за мене како уметник. Големо благодарам за признанието за животно достигнување во категоријата легенди на „Фолк вечерта на популарноста 2023″. Ова е уште еден поттик за создавање на следни проекти, оставање личен печат во едно време и патека по која ќе чекорат следните генерации – истакна Спасовска, и порача дека посакува манифестацијата да трае долго.
