Водителката Сузана Манчиќ откри детали за долго коментираниот мит дека пејачите Мирослав Илиќ и Халид Бешлиќ наводно се степале поради неа, како и за тоа дали големиот хит „Београѓанка“ е инспириран токму од неа.
Во телевизиско гостување ѝ беше поставено прашање дали двајцата пејачи навистина дошле до физичка пресметка поради нејзината наклонетост.
„Јас за тоа не знам!“, одговори Манчиќ, нагласувајќи дека никогаш не слушнала за таква приказна.
Следеше уште едно прашање – дали „Београѓанка“ од Халид Бешлиќ е напишана за неа.
„Не, не, не! Тој ја имаше песната пред да ме запознае. Не е тоа таа приказна!“, категорично рече Сузана, отфрлајќи ги шпекулациите.
Потоа додаде дека со Халид Бешлиќ долги години соработувала и дека зад себе има бројни телевизиски и сценски проекти, а не била „само Лото-девојка“.
„Сега се кажуваат разни приказни, половина од тоа фрлете го во вода!“, вели Манчиќ, алудирајќи дека многу од легендите се преувеличени.
На тврдењата дека е „фатална жена“ поради која наводно се тепале мажи, Сузана низ смеа одговори: „Зборуваат дека сум фатална, а никој поради мене не се степал, ниту се убил! Каква фатална жена сум јас?“.
Да потсетиме, Мирослав Илиќ веќе 50 години е во брак со сопругата Гордана, со која ги има децата Марко и Марија.
