Музичката ѕвезда Светлана Цеца Ражнатовиќ подолг период ја бранува јавноста со нејзината искрена исповед за настанувањето на култната песна „Расуло“. Иако песната со децении е омилена кај публиката, нејзините стихови, напишани од легендарната Марина Туцаковиќ, во себе кријат претешки, темни и длабоко болни животни приказни.
Гостувајќи во емисијата „Ако проговорам“, Цеца откри дека Марина во стиховите на песната ги преточила своите најтешки лични моменти со оние на пејачката, создавајќи текст исполнет со вистинска болка и трагедија.
„Марина мешаше теми за нејзиниот покоен син, со мојот покоен Жељко во песната „Расуло“. Нејзината сопствена болка ја претопуваше во песните низ мојата болка. На пример, во ‘Расуло’ таа го опишува моментот кога го затекнува својот син мртов и вели ‘бела рака паѓа на под’, а потоа пишува за мојот сопруг“, раскажа Цеца.
Пејачката нагласи дека вистинското значење на тие застрашувачки слики и мрачната заднина на текстот ја знаеле исклучиво тие две:
„Тоа можевме да го знаеме само таа и јас, бидејќи јас ги препознавам тие слики и знам што кому му е посветено… Марина имаше генијален дар да пишува така што секој ќе може да се пронајде, тоа не беше себично творење“, заклучи поп-фолк ѕвездата.
