Регионалната музичка сцена тагува по веста за смртта на истакнатиот композитор, аранжер и музички продуцент Зоран Тутуновиќ – Тутун. Веста за неговото заминување длабоко ги потресе неговите соработници, пријатели и бројни познати личности кои преку социјалните мрежи се опростуваат од него со емотивни пораки.
Меѓу првите кои се огласија беше пејачот Саша Капор, кој со потресни зборови и фотографија му оддаде последна почит на својот драг пријател и соработник:
„Почивајте во мир и Господ да ви подари царство небесно“, напиша неутешниот Капор.
Од музичарот со солзи се простија и други познати имиња, меѓу кои и пејачот Милош Бојаниќ, кој истакна дека веста го оставила во шок и неверица.
Зоран Тутуновиќ беше сопруг на познатата пејача учесничка на Евровизија, Елеонора Баруџија, а во текот на повеќедецениската кариерата важеше за врвен професионалец чиј труд стои зад стотици познати хитови и музички проекти на балканската сцена. Иако најчесто твореше подалеку од светлата на медиумските рефлектори, неговиот придонес кон домашната музика останува неизбришлив.
