Пејачката Марија Шерифовиќ замина на одмор во егзотични краишта, а друштво ѝ прави колешката и блиска пријателка Јована Пајиќ. Двете решиле заедничката пријателка Срна да ја изненадат со патување на Бали, кое ѝ го организирале како роденденски подарок.
Марија на социјалните мрежи сподели видеа и фотографии од патувањето, на кои таа и Јована се насмеани и расположени, откривајќи го поводот за нивното заминување.
„Јас не знам што ме чека сега! На Јованината сродна душа, Срна, ова патување го организиравме како роденденски подарок“, вели Марија Шерифовиќ во видеото.
По пристигнувањето на Бали, двете пејачки почнаа да споделуваат идилични призори од егзотичната дестинација, со што јасно покажаа дека се воодушевени од атмосферата и природата. Таму ќе ги поминат наредните денови во одмор и дружење.
Освен за патувањето, Марија Шерифовиќ неодамна јавно ѝ даде поддршка на Јована Пајиќ и за нејзиниот нов професионален проект. На Инстаграм таа објави емотивна порака во која ја пофали својата долгогодишна пријателка.
„На секој твој успех и раст се радувам како мало дете. Можеби дури и повеќе од тебе самата. И сето тоа одамна ти припаѓа“, напиша Шерифовиќ.
Таа додаде и дека искреноста, истрајноста и чистата намера секогаш наоѓаат свој пат:
„Она што е родено од вистина, истрајност и чиста намера, ништо не може да го запре. И горда сум. Навистина, Јована“, порача Марија, единствената српска победничка на „Евровизија“, по повод новата песна на Јована Пајиќ.
