Пејачката Нада Топчагиќ отворено проговори за своите стравови, но и за тоа како денес гледа на годините, изгледот и кариерата.
– Сакам да го свртам вниманието кон себе, отсекогаш сум била таква, морам да бидам јас, како Мерилин Монро. Кога се спремам, ја расфрлам целата гардероба, за секунда ги губам ракавиците, капата, очилата, тоа мојот Златко го поднесува. Сега беа ракавиците тука. Од тоа како ќе изгледаш и како ќе привлечеш внимание, доаѓаш до момент кога си велиш – не си веќе во тие години. Сега доаѓаат девојки од 20 и 30 години, а ти со 70 не можеш. Или ќе изгледам како што треба, или нема да се занимавам со овој занает – изјави Нада.
Пејачката со емоции се присети и на своите починати колеги, за кои вели дека многу ѝ недостигаат.
– Ми недостигаат Мерима, Маринко, Балашевиќ… Кога ќе видам колкумина си заминаа, се прашувам кој е следен. Не сум хипохондар, но се плашам од болести, затоа што си заминуваат и млади луѓе. На што останувате вие, деца? Тоа се луѓе што значеа, што се вградија во ова време. На што ќе останат музиката, глумата, сцената? Навистина е тешко – истакна таа.
Во јавноста неодамна се појавија шпекулации дека Нада Топчагиќ се соочува со финансиски проблеми, но таа остро ги демантира.
– Нада Топчагиќ да доживее да нема пари – Боже сачувај. Еве, станот ми е празен, полн со работи. Колешка ми вели: „Да немаше пари, ќе го издадеше станот“, а станот стои празен, 140 квадрати – изјави Нада за емисијата „Премиера“.
Нада откри и дека долги години била забранета во Хрватска и во Босна и Херцеговина.
„Во Хрватска и Босна не бев 25 години поради моите тогашни ангажмани. Без многу размислување и под притисок, не можеше да се бира – мораше да се пее – призна неодамна таа за „Ало“.
Инаку, Нада Топчагиќ летово наполни 72 години.
