Пејачот Саша Ковачевиќ ги сумираше впечатоците од претходната вечер по коцеротот во Сава Центар во Белград и истакна колку уживал.
На прашањето за впечатоците и како помина сè, тој одговори:
„Да, денес е поопуштено. Не се сеќавам кога сум добил толку многу позитивни критики. Благодарен сум. Мисијата ми беше на сите луѓе што ќе дојдат да им извлечам насмевка на лицето, можеби и некоја солза, да има размена на емоции“, раскажува Саша.
Тој откри и како ја поминал вечерта по концертот.
„Ги имав тука моите цареви од мојата фела. Сите сме како фамилија и по прекрасната вечер ја крунисавме со една здравица, а потоа се вративме во салата и уште еден час по концертот продолживме да пееме“, вели Ковачевиќ.
Нè интересираше дали сите колеги што ги поканил се појавиле на концертот.
„Искрено, требаше да има уште познати личности, пред сè пријатели, но сите се настинати и ден пред концертот неколку колеги откажаа. Им посакувам брзо закрепнување“, вели тој.
Саша истакна колку му значи поддршката од колегите и ја спомена Александра Пријовиќ.
„Прија ги знае сите песни, многу ми е драго што колегите го сакаат и почитуваат тоа што го работам. Можеби ќе направиме некој дует, тоа е добра идеја. Прија направи исклучителни успеси, не знам дали некој во изминатата деценија или две направил таков успех како неа. Јас ѝ посакувам сета таа среќа понатаму… Таа го заслужува местото на кое е“, порача тој.
Свршеницата на Саша, Зорана Тасовац, синоќа првпат зборуваше пред камерите, но тоа не ѝ било пријатно, иако на Саша тоа му било многу симпатично.
„Таа не сака да зборува пред камери, веројатно поради трема. Многу е комуникативна, но не е за медиуми. Вели дека била концизна со одговорите, но добро се снајде. Мене ми е најважно таа да е среќна и насмеана, а тоа ме прави најсреќниот човек на светот.“
За поранешната девојка
Тој откри дека на концертот ја поканил и поранешната девојка, која и се појавила, по што прокоментира:
„Беше очекувано да дојде, најде слободно време. Срцето ми е полно што и таа беше во публиката. Тоа што не си со некого во врска не значи дека не треба да бидете пријатели и да негувате одредени емоции еден кон друг, иако тоа не се љубовни емоции. Важно е што нè поврзува некоја друга дефиниција на љубовта. Не сум ја видел долго време и кога ја видов вчера, навистина срцето ми беше полно“, порача Саша.
