Во саботата се одржа хрватскиот избор на песна за настап на овогодинешниот Евросонг – Дора 2023. Освен што на многумина им беше непријатно да ги слушаат „шегите“ на водителката, динамичното трио беше уште потешко да се гледа . И како што обично се случува, Хрватите им замерија на соседите Срби. Но зошто?
Имено, Мирко Фодор во еден од своите говори се осврна на песната на Марија Шерифовиќ со која победи на Евровизија.
„Една таква се нарекува „Молитва“. Таа дури и победи на Евровизија. Додуша, таа не беше наш претставник, но разбравме неколку зборови од таа песна“, изјави Мирко.
Погледнете го тој момент во видеото.
Тоа на Србите не им се допадна, а многумина побрзаа да ја известат Марија Шерифовиќ, испраќајќи ѝ пораки. Најпосле и таа се огласи.
„Затрупано ми е сандачето. Луѓе се е кул…Само се работи за недоволна духовитост. Секогаш е проблемот во недостаток на талент“, напиша кратко Марија.
Потоа потсети дека хрватското жири во 2007 година неа ѝ дал максимални 12 поени.
„Само љубов“ – додаде.
За потсетување, Хрватска оваа година во Ливерпул ќе ја претставува Лет 3 со песната „Mama ŠČ“.
„Навистина ви благодарам на сите. Се обидовме, но не очекувавме. Па, ајде, што сега не чека“, рече Мрле по победата.
Мислењата беа поделени за нивната победа во Хрватска, но и меѓу љубителите на Евровизија ширум светот. И додека некои веруваат дека се идеални за Евровизија што ќе се одржи во Ливерпул во мај, има и негативни коментари кои се прашуваат „што им е на Хрватите?“
