Пејачката Милица Тодоровиќ брои ситно до породувањето, а последните месеци ги минува мирно, далеку од јавноста. Таа живее на релација Белград – Крушевац, во својот дом и во семејната куќа на родителите, каде што ужива во трудничките денови и ретко се огласува на социјалните мрежи.
Соседите од Крушевац имаат само пофални зборови за пејачката и нејзиното семејство. Една од комшиките открива дека Милица ја познава уште од детството и дека отсекогаш била омилена во маалото.
„Ја знаеме од мала, со нашите деца растеше. Тие се прекрасна и чесна фамилија, а Милица никогаш не ги посрамотила. Прошетајте низ комшилукот – никој нема лош збор за неа“, вели таа.
За медиумите проговорија и родителите на пејачката, кои открија дека бременоста тече одлично и без никакви компликации. Таткото Милан не ја крие среќата, а мајката со нетрпение го очекува моментот кога ќе стане баба.
„Милица е одлично, постојано се слушаме. Сега поретко доаѓа, што е сосема нормално – одмора и сè поминува во најдобар ред. Таа ни кажа да не зборуваме многу за приватноста, но јасно е дека ова се убави работи и дека луѓето ги интересираат“, изјави Милан.
Мајката додава дека целото семејство „брои ситно“ и дека најважно е сè да помине како што треба.
