Сопругата на принцот Чарлс, некогаш најомразената жена во Англија, го слави својот роденден во златен момент од животот: има круна во џебот (по волја на Елизабета Втора) и конечно успеа да им се допадне на Британците.
View this post on Instagram
Војвотката Камила од Корнвол, родена во Лондон на 17 јули 1947 година, денес полни 75 години. Важна пресвртница која доаѓа во златен период од нејзиниот живот.
Според неколку истражувања спроведени во последните години, денес Камила ужива ниво на популарност што некогаш беше незамисливо. Од друга страна, по нејзиното официјално влегување во кралскиот двор – благодарение на венчавката со Чарлс, прославена во април 2005 година – војвотката работеше напорно за доброто на монархијата, ставајќи се во служба на Британците, поддржувајќи бројни добротворни цели и социјални цели, учествувајќи во стотици официјални настани што ја прават една од најангажираните членови на кралското семејство.
За своите 75 години, војвотката даде ретко интервју за Vogue Uk во кое меѓу другото призна дека таа и Чарлс ретко се гледаат токму поради многуте кралски должности:
„Не е лесно да се најде време за да бидеме заедно, но ајде да се обидеме. Чарлс секогаш одвојува момент само за нас двајца, можеби преку чаша чај, за да разговараме за тоа што се случило во текот на денот. Понекогаш сме како бродови што се сретнуваат само ноќе“.
Country Life сакаше да го прослави 75 роденден на Камила и затоа ѝ ја посвети јулската насловна страница. Фотографиите од снимањето се направени од Кејт Мидлтон во Реј Мил Хаус, резиденцијата во Вилтшир која ја купила војвотката по нејзиниот развод во 1990-тите од Ендрју Паркер Боулс, татко на нејзините две деца Том и Лора.
Камила беше таа што ја замолила Кејт да ја фотографира. И Мидлтон не чекала да ѝ се каже двапати. За Англичаните тоа е дополнителен знак за блискост меѓу двете војвотки кои еден ден ќе седнат на тронот на Англија и кои неодамна заедно спроведуваа различни официјални ангажмани.
Camilla stuns in floral blue dress for new pictures taken by Kate Middleton https://t.co/t5Nb2yi9Mu#CamillaParkerBowles #KateMiddleton #RoyalFamily pic.twitter.com/yhtyY7zbDi
— Daily Express (@Daily_Express) July 5, 2022
Камила, родена како Шанд, а потоа се омажи и се разведе од Паркер Боулс, денес е многу сакана. Но, тоа не беше секогаш случај. Таа со години не беше ништо повеќе од „другата жена“ на Чарлс. „Грдата девојка“ која ја направи свадбата на Лејди Ди „претешка“ (како што самата Дијана рече во познатото интервју во 1995 година, што го налути – тогаш тинејџер -принцот Вилијам) и која ја натера убавата и сакана принцеза на народот да страда.
Според Пени Џунор, авторка на „Војвотката“ ( 2018), „луѓето ја познаваа Камила само од она што Дијана го кажа за неа. И во тоа време таа ја нарече ротвајлер. По смртта на Лејди Ди во 1997 година, нејзиното несакање кон неа стана речиси презир: „Сега ќе има одврзани раце“, рекоа најзлобните, мислејќи дека единствена цел во животот и е да влезе во Бакингемската палата. Мислењето на Елизабета Втора, во тоа време, повеќе не беше нежно: кралицата ја нарече Камила „таа злобна жена“. Првото јавно појавување на поранешната г-ѓа Паркер Боулс заедно со Чарлс датира од 28 јануари 1999 година (пред Риц во Лондон), а толпата беше целосно непријателски настроена кон неа. Ова не беа лесни години за Камила: „Толку долго ме испитуваа што на крајот сфатив дека морам да најдам начин да живеам со тоа. И продолжив, иако мислам дека никој не сака постојано да го гледаат и критикуваат“, рече таа во неодамнешното интервју за Вог.
View this post on Instagram
Метаморфозата на Камила Шанд од „ротвајлер“ и „злобна жена“ до идна сопруга кралица, ценета и почитувана дури и од британските поданици беше бавна и неумолива трансформација која таа со трпение ја спорведе, во тишина и без врева: без жалење и без објаснување, како и што треба да направи Виндзор. Уште во 2005 година, на денот на свадбата на вечните љубовници, кралицата се покажа нефлексибилна. Во таа прилика, кога зборуваше и му честиташе на Чарлс, внимаваше никогаш да не го изговори името на својата снаа. „Мојот син покрај себе ја има жената што ја сака“, рекла кралицата. Веќе некое време Камила успева да ја освои и неа. Со нејзината лојалност кон круната и со нејзината посветеност на Чарлс. Камила е секогаш покрај својот сопруг, но секогаш два чекори зад него.
Од друга страна, војвотката, во неодамнешниот говор на ручекот за нејзиниот 75т роденден што се одржа во Националниот либерален клуб во Лондон, јасно кажа дека кога ќе биде кралица, ќе го оживее законот на нејзиниот сакан и покоен свекор: „Војводата од Единбург имаше многу јасна филозофија: Обрни внимание, поставувај прашања, кажи малку, направи повеќе и продолжи со работата“. Токму тоа имам намера да го направам.“, рече Камила.
