Обвинувањата против истакнатата фолк пејачка Снежана Ѓуришиќ дека зела поткуп од кандидат на музичкиот натпревар „Ѕвезде Гранда“ и понатаму ја тресе јавноста.
Ѓуришиќ за време на гостувањето на ТВ Курир ги негираше сите обвинувања и кажа која е вистинската позадина на ваквите обвинувања.
– Бев шокирана од тоа што се случи, па брзо сфатив во која грмушка лежи зајакот. Ние сме жртви на нешто сосема трето, некои луѓе кои имаат сосема други намери. Сакам да кажам и предупредам: Од самиот почеток на Ѕвезде Гранда сум присутна во улогата која беше потребна во дадениот момент. Оттогаш, од 2013 година, интензивно сум членка на жирито, а од 2015 година и музички уредник. Одговорно тврдам дека никогаш не сум забележала дека некој поминал или победил затоа што платил. Ги предупредувам луѓето да бидат многу внимателни кога се осмелуваат да упатуваат обвинувања против нас. Секој што нема релевантен доказ ќе ја сноси целата одговорност. Адвокатот Миша Петровски и неговиот тим ги собираат сите можни документи и сведоци – рече Ѓуришиќ најавувајќи тужба.
Во емисијата пристигна и Ѓорѓе Давид кој рече дека кандидатот и неговата мајка кои ја обвинуваат Снежана Ѓуришиќ се во проблематична психичка состојба.
– На натпреварот имаше многу луди луѓе. Тоа се луди луѓе и тоа се гледа од авион. Погубно е тоа што медиумите си играат со луѓе кои имаат сериозен психички проблем. Дечкото во бекстејџот беше пред се арогантен, непријатен. Некој во чиј поглед се чита дека е лудак. Дури и го пофалив затоа што навистина има глас, но тоа не е доволно бидејќи има сериозни проблеми.
Снежана Ѓуришиќ изрази уверување дека кандидатот и неговата мајка биле искористени од, како што вели, трета страна со цел да се уништи музичкото шоу на Ѕвезде Гранда:
– Очигледно е дека беа искористени за уништување на Ѕвезде Гранда и нејзиниот челник Саша Поповиќ. За тоа нема сомнеж!
