Пејачката Снежана Ѓуришиќ отворено во емисијата „Гранд специјал“ зборуваше за нејзиниот однос со ќерката Маја и нејзините внуци кои живеат во Америка и откри дека разделбата сè уште ѝ е тешка.
Како што истакна, желбата на мајката за децата и внучињата никогаш не престанува.
– Не можеш да се навикнеш на тоа, секогаш ти недостигаат децата. Оваа работа има цена и семејството најмногу страда, особено кога станува збор за жените – рече Снежана и додаде дека нејзината ќерка Маја е исклучително талентирана, но никогаш не сакала сценски живот.
– Мојата ќерка Маја е пејачка пар екселанс. Никогаш не сакаше да ја работи оваа работа и секогаш велеше: „Не сакам моите деца да бидат желни за мене, како што ние бевме желни за тебе“ – призна таа.
И покрај далечината, Снежана наоѓа начин да биде со своето семејство секогаш кога срцето ѝ трепери.
„Не сум навикната да бидеме разделен, но фала му на Бога, сум во ситуација кога секогаш кога ми недостигаат, убаво се организирам, седнувам во авион и ги посетувам. Поминувам време со нив, дури и да се два дена.“
Снежана признава дека работата честопати ја оддалечувала од дома, па нејзините деца многу рано се осамостоиле, но нагласи дека и покрај сè, мајчинската врска останала нераскинлива.
