– Под влијание на претежно стабилна и сува воздушна маса, во следните денови времето во Македонија ќе биде сончево со мала до умерена локална облачност. Ќе продолжи да дува слаб до умерен, повремено и тоа особено долж Повардарието и во источните предели засилен ветер од северен правец. Температурите ќе бележат тенденција на секојдневен пораст, а особено топло ќе биде за време на викендот кога максималните температури ќе се искачуваат во интервалот од 31 до 39 степени.
Во Скопје и околината времето во следните денови ќе биде претежно стабилно, суво и сончево со мала до умерена локална облачност. Ќе дува слаб до умерен, повремено засилен ветер од северен правец. Температурите ќе се искачуваат во интервалот помеѓу 29 и 37 степени за време на викендот, вели метео прогнозерот Славчо Попоски.
