– Под влијание на МНОГУ ТОПЛАТА воздушна маса од Африка, утре и во следните денови потоа времето во Македонија ќе биде сончево и МНОГУ ТОПЛО со мала локална облачност. Сепак во попладневните и во вечерните часови локално ќе биде нестабилно со пороен дожд, грмежи и засилен ветер. Ќе има услови и за повторна појава на локално краткотрајно НЕВРЕМЕ, проследено со силен ветер, силни и чести електрични празнења, силен ветер и со појава на град. Температурите ќе се искачуваат во интервалот од 31 до 39 степени, но сепак поради релативно големата влажност во воздухот, истите ќе се чувствуваат како да се повисоки од реално измерените. Ув – Индексот и понатаму ќе има ЕКСТРЕМНО ВИСОКА вредност и ќе изнесува коефициент некаде околу 10. И во Скопскиот регион во следните денови ќе биде МНОГУ ТОПЛО , но сепак во попладневните и во вечерните часови можна е локална појава на нестабилност. Температурите ќе се искачуваат во интервалот помеѓу 35 и 36 степени. Освежување на времето и пад на температурите се очекува некаде од 8 Јули па натаму, но околу ова понатаму.
Славчо Попоски најавува многу топло време, но и невреме
