– Од денес па се до петок времето во Македонија ќе биде променливо облачно со повремени локални врнежи од дожд.
Во четврток и петок локално врнежите има услови да бидат од пороен карактер и проследени со ретка појава на грмежи. За време на викендот пак ќе имаме повеќе сончеви периоди и далеку постабилна Атмосфера.
Температурите ќе бидат нешто пониски за разлика од изминатите денови и максималните дневни ќе се искачуваат во интервалот од 16 до 23 степени. Во Скопје и околината исто така ќе има појава на повремени локални врнежи од дожд. Температурите ќе се искачуваат во интервалот помеѓу 19 и 23 степени. За време на периодот кој што ни следува ќе дува и слаб до умерен ветер од источен и од југоисточен правец, вели метеопрогнозерот Славчо Попоски.
