Пејачот Никола Сариќ – Сајко стана познат преку музичкото шоу „Операција триумф“, каде што беше еден од најзабележливите учесници.
За време на натпреварувањето планала љубов меѓу него и кореографката Милица Церовиќ, која секојдневно работеше со кандидатите на нивните танцови чекори.
Во почетокот ја криеја врската, а потоа ја обелоданија, иако мнозина се сомневаа дека нивната љубов ќе опстане, со оглед на тоа што Милица е 10 години постара од него.
Двајцата се венчаа во 2018 година, а свадбената прослава ја организираа во еден ресторан. Милица тогаш блесна во венчаница со длабоко деколте.
По свадбата, Сајко реши да се посвети на угостителството. Најпрво со пријател отворија еден кафе-бар, а кога бизнисот се разви, отворија уште два локала.
„Почнав да држам еден кафе-бар со другар, па втор, а сега и трет, кој е повеќе клуб, и сфатив дека тоа ми е поисплатливо од музиката“, изјави Сајко пред неколку години, па додаде:
„Мојот живот изгледа кафански и свирачки, надвор од медиумите. Свирaм многу често, но не пеам. Така ми одговара – помалку стрес, помалку размислување. Не размислувам да се вратам во јавниот живот, не би снимал ништо ново, вака ми е доволно добро. Тек сега наполнив 30 години, па можеби ќе се предомислам.“
Тој откри дека е во контакт со дел од колегите од „Операција триумф“.
„Скоро ме бараше Вукашин за една замена. Со Ана Бебиќ исто се слушаме, иако таа се омажи и доби дете, па се гледаме сè поретко. Сега имаме различни навики и обврски“, вели некогаш популарниот Сајко.
