Пејачката Весна Змијанац проговори за актуелните случувања на естрадата – од инцидентот со експлозивна направа во близина на домот на Здравко Чолиќ, до гласините околу породувањето на Милица Тодоровиќ.
Во разговор со српските медиуми, Змијанац откри и детали за својот претстоен концерт во Белград, нагласувајќи дека психички веќе се подготвува за настапот.
„Сè уште не сум почнала вистински подготовки, но во глава сум подготвена, а тоа е најважно. Сакам да бидам облечена удобно, ништо да не ме стега, затоа што моите песни се тешки и бараат многу емоција. Имам зад себе многу концерти и сигурна сум дека ќе биде прекрасно. Сега пеам подобро од порано“, изјави Весна.
Таа се осврна и на колегите од естрадата, спомнувајќи дека иако некои од нив јавно ги сакаат нејзините песни, не ѝ се јавиле во врска со концертот. Додаде дека салата „Арена“ е веќе распродадена и дека не планира посебни прес-конференции. Призна и дека ќе се обиде да го намали бројот на цигари, а дали ќе има втор концерт ќе зависи од нејзиното здравје и кондиција.
Говорејќи за инцидентот поврзан со домот на Здравко Чолиќ, пејачката беше директна:
„Тоа не е добро, воопшто не е добро. Ова е класичен рекет. Времињата се лоши, ме потсетува на некои минати времиња и тоа навистина не ми се допаѓа. Јас никогаш не сум имала обезбедување, но јас сум поинаква приказна“, изјави таа.
Змијанац се осврна и на неодамнешната киднапирање на пејачот Даниел Кајмакоски, истакнувајќи дека естрадата често е првиот показател дека времињата се нестабилни.
„Се надевам дека сето ова е само случајност и дека нема да се повторува“, порача пејачката.
Весна го кажа и својот став за Милица Тодоровиќ и шпекулациите дека добила дете со оженет маж.
„Па што ако родила дете со оженет маж? Родила дете – тоа е најважно. Мажот знаел што прави, не е малолетен. Јас ѝ честитам. Таа е во години кога треба сериозно да размислува за мајчинство. Мило ми е што има син, како и да е. Нека ужива, од срце ѝ честитам“, изјави Змијанац.
