Септемвриската насловна страница на арапското издание на „Вог“ ја краси легендарната Шерон Стоун, која во големо интервју проговори за многу теми, меѓу кои и за нејзиниот љубовен живот.
Холивудската актерка откри дека неодамна раскинала со помлад маж, поточно, тој ја напуштил поради бизарна причина – затоа што актерката (64) и покрај неговото барање одбила да стави ботокс на лицето за да ги отстрани брчките.
Како што објаснува во интервјуто, откако мажот, чиј идентитет не сака да го открие, прашал дали некогаш користела ботокс, а таа одговорила: „Веројатно би било добро да го направам тоа за твоето, но и за моето его.“
View this post on Instagram
„Излеговме уште еднаш после тоа, а потоа тој повеќе не сакаше да ме види“ – признава акетрката.
Интересно е што Стоун во минатото користела инекции ботокс, но потоа сфатила дека такво нешто не и треба, особено затоа што третманите и биле крајно болни.
„Тоа беше периодот на мојата голема слава кога прифаќав ботокс, филери и такви работи, а потоа имав тежок мозочен удар, кога девет дена имав крвавење во мозокот и морав да примам повеќе од 300 инјекции ботокс и разни филери на едното странично лице само за моето лице повторно да изгледа нормално“, се присетува таа и додава дека токму поради тоа искуство, кога била на работ на смртта, ја променила нејзината перцепција за ботоксот.
