Откако се најде сама во грижата околу децата, Шакира од неодамна е и во потрага по бебиситерка, Платата е солидна, но условот што го постави Шакира е еден од поделикатните.
Според она што го објави весникот Ел Паис, договорот меѓу двајцата поранешни придружници предвидува децата да живеат во Мајами со својата мајка, но да можат да го поминат Божиќ во Барселона со својот татко. Договорот вклучува и точка дека двајцата родители треба да им дозволат на децата да го видат другиот родител кога ќе посакаат. Така, Шакира веќе ги спакува куферите и бара бебиситерка не за Шпанија, туку за САД: Вилата во која ќе живее колумбиската пејачка е купена години порано, во времето кога таа се вери со адвокатот Антонио де ла Руа, син на поранешниот претседател на Аргентина.
Куќата има 847 квадратни метри, шест спални соби, седум бањи, како и спа, теретана…, а единствено што ѝ недостига на Шакира е бебиситерка.
Пејачката во огласот бара сериозна и доверлива личност која ќе се грижи за Милан и Саша во нејзино отсуство. Таа нуди месечна плата од 2.400 долари, плус трошоци за апартман, храна и за трансфер од апартманот до нејзината вила. Единствениот суштински услов за вработување е – дискрецијата. Идната дадилка мора да биде дискретна личност која нема да пренесе ниту збор од тоа што се случува во домот на Шакира на новинарите.
