По смртта на кралицата Елизабета Втора, принцот Вилијам и Кејт Мидлтон ги презедоа титулите принц и принцеза од Велс, а со тоа добија и дополнителни кралски должности, па распоредот сега им е многу зафатен. Имено, откако зедоа две недели одмор за да поминат малку време со нивните три деца, тие се вратија на својот работен распоред кој никогаш не бил „побогат“.
Извори блиски до палатата тврдат дека ситуацијата е особено тешка за Кејт, која не е навикната да се разделува од нејзините три деца, принцот Џорџ, принцезата Шарлот и принцот Луис.
Кејт поминуваше многу повеќе време со своите деца, но откако нејзиниот сопруг стана официјален престолонаследник, поради пребукираниот распоред едвај ги гледа, особено во работните денови од неделата, па тие се оставени на милост и немилост на дадилките.
Палатата бара од Вилијам и Кејт 90 отсто од неделата да патуваат низ Велика Британија, а Кејт се чувствува изгубено бидејќи нема контакт со своите деца. Поради тоа таа му поставила ултиматум на Вилијам и го убедила да ги земат последните две недели за одмор за да бидат сами дома со децата.
View this post on Instagram
-Принцезата се чувствува како да го губи тлото под нозете. Откако кралицата почина, Кејт и Вилијам имаат многу обврски, а ситуацијата им паѓа тешко зашто имаат три мали деца кои бараат целосно внимание, а моментално не го добиваат, велат извори блиски до Бакингемската палата.
Она што го знаеме е дека Кејт и Вилијам во моментов се многу посветени да најдат решение за оваа несреќна ситуација што ги оддалечи од нивниот семеен дом. Вилијам особено смета дека е многу важно како татко на своите деца да биде активно присутен во нивните животи.
