Фановите на „Сексот и градот“ со нетрпение ја очекуваат новата сезона на серијата на HBO која крена голема прашина, а омилената актерска екипа се врати на снимањето на „И едноставно така…“, која се снима на различни локации во Њујорк
Сара Џесика Паркер, која ја игра Кери Бредшо во серијата „И едноставно така…“ на својот инстаграм-профил откри нешто за новата сезона која фановите со нетрпение ја очекуваат.
„Првиот екстериер. Улиците на Њујорк.“, напиша Паркер, најавувајќи дека снимањето започнало.
На фотографијата се гледа како стилистка во приколката на актерката го поправа работ на комбинезонот, кој таа го носи во стилот на Бредшо, секако со штикли од Диор.
View this post on Instagram
До нејзините нозе има гулаб кој на прв поглед се чини дека е дел од сетот (гулаби има насекаде низ Њујорк), но всушност тоа е ташна. И тоа во форма на птица, која ја отсликува емоционалната состојба на Кери, бидејќи таа сѐ уште се опоравува од ненадејната смрт на нејзиниот сакан сопруг, Ѕверката.
Оние што ја гледале серијата ќе се сетат дека птиците играат многу важна улога во нејзиниот однос со Ѕверката.
За нејзината прва венчавка, онаа што не се одржа, Кери носеше пердув на главата, а во првата сезона на „И едноставно така…“ таа носеше уште еден украс за глава со птици.
Пред тоа, во серијата „Сексот и градот“, кога таа и нејзиното тогашно момче размислуваат дали да кажат „Те сакам“, Ѕверката ги изразува своите чувства кон Кери давајќи и ја добро познатата ексцентрична ташничка-патка од Џудит Либер.
Значи, ташна во форма на гулаб за шопинг со Шарлот? Сосем е јасно, сценаристите сакаат да нагласат дека Кери сѐ уште се опоравува по смртта на нејзиниот сопруг.
Што се однесува до точниот датум на втората сезона од серијата, тој сѐ уште не е познат, но се очекува епизодите да почнат да се прикажуваат во декември оваа или во јануари следната година.
View this post on Instagram
