Пејачот Александар Темелков, кого публиката го запозна преку музичкото шоу „Ѕвездите на Гранд“, соопшти дека се разведува од сопругата Сара.
Темелков веста ја сподели на социјалните мрежи, објавувајќи заедничка фотографија и искрена порака до јавноста.
„Драги мои фанови и пријатели, сакам да ве известам дека јас и мојата сопруга донесовме одлука да ставиме крај на бракот. Иако сме различни карактери, ќе продолжиме да функционираме во пријателски односи поради нашиот син Мите“, напиша пејачот.
Александар и Сара го кажаа судбоносното „да“ во јануари 2024 година, а во изминатиот период често споделуваше моменти од семејниот живот. Откако стана татко, пејачот неколкупати јавно истакна дека синот Мите е неговата најголема среќа и најважната улога во животот.
