Српската пејачка Милица Тодоровиќ денес се породи во Белград и на свет донесе машко бебе. Породувањето поминало во најдобар ред, а и мајката и бебето се чувствуваат добро, пренесуваат српските медиуми.
Ова е прво дете за Милица, која синот го доби со партнер кого досега не го претставила јавно и чиј идентитет успешно го чува далеку од очите на јавноста.
Интересно е што на почетокот ѝ било кажано дека носи девојче, но на последниот ултразвучен преглед пејачката дознала дека сепак ќе роди син.
Милица донела и одлука по породувањето да ги зачува матичните клетки на бебето, со цел да обезбеди дополнителна здравствена сигурност и можност за идно лекување. Оваа практика сè почесто ја избираат јавни личности, но и родители кои навреме размислуваат за здравјето на своите деца.
