10.8 C
Скопје
08:33 - 28 февруари, 2024

Се појави првата божиќна реклама и веднаш ги налути гледачите: Ова е тотално лудило

Без разлика дали го славите или не, на божиќните денови и сета еуфорија што ги придружува им се радуваат многу луѓето низ целиот свет, особено најмладите. Но, тоа не е случај и со божиќните реклами кои годинава се појавија порано од вообичаено.

До Божиќ и до новогодишната атмосфера остануваат уште неполни три месеци. Есента штотуку пристигна, а многумина сè уште не сакаат да го прифатат фактот дека наскоро следуваат многу постудени денови.

Други пак одвај дочекаа да ја отворат празничната сезона, што дефинитивно не помина добро кај публиката.

Првата божиќна реклама се појави на 7 октомври, на сајтот на британската компанија Very.co.uk, а на неа се гледа мајка која рано го слави празникот, додека во позадина се слуша: „Божиќ не е само еден ден, туку повеќе денови“.

Без разлика на пораката, на луѓето веројатно им дојде премногу рано празничната атмосфера да започне уште во октомври, па незадоволството не го криеја ниту во коментарите – пишуваа дека им е уништено расположението и дека вакво нешто е „тотално лудило“.

„Колку и да го сакам Божиќ, смешно е уште сега да се гледаат божиќни реклами“, напиша еден гледач, додека друг додаде: „Сакам да гледам вакви реклами, особено првата на Кока Кола… но не ми се верува дека оваа година тоа се случи во првата недела од октомври“.

„Тоа е она што не е во ред со Божиќ… започнува 12 недели пред вистинскиот ден… навистина смешно“, коментираа гледачите.

Инаку, ова не е прв пат британската компанија да објавува предвремени божиќни реклами. Тоа го направија и минатата година на 1 ноември.

Директорката за маркетинг тогаш се правдаше дека рекламата била прикажана порано затоа што празничните деновите како овие им биле „украдени“ на луѓето за време на пандемијата.

„Откако минатата година Божиќ им беше украден на многумина со затворањето во последен момент, сакавме порано да влеземе во тој дух и без срам да ја отвориме сезоната штом лисјата почнат да паѓаат“, објасни Карли О’Брајан, директорка за маркетинг на компанијата. Оваа година компанијата сè уште не се огласила за ова прашање.

Слични објави

(Фото) Прва објава на Ана Бекута по отсуството од „Ѕвездите на Гранд“: Еве со што е преокупирана пејачката

еспресо

Астропрогноза за среда, 28 февруари: Страст за Раковите, радосна вест за Рибите

еспресо

(Видео) Гога Секулиќ го прослави роденденот на луксузна дестинација: Пејачката покажа какво изненадување ја дочекало во хотелот

Еспресо

„Ќе ти ја скратиме косата“: Српската пејачка била жртва на демнач и добивала застрашувачки закани на домашна адреса

Еспресо

„Нонстоп сум на инфузии“: Цеца проговори за здравствените проблеми со кои се соочила периодов

Еспресо

(Фото) Ова е вилата што Аца Лукас ѝ ја остави на Соња по разводот: Луксузот го одзема здивот

Еспресо
Се вчитува....