Двајцата актери подготвија нови филмови за фестивалот. Организаторите се погрижија да избегнат непријатна ситуација.
Речиси бескрајните „препукувања“ меѓу поранешните сопружници, холивудските ѕвезди Анџелина Џоли и Бред Пит, ги натераа организаторите на 81. Филмски фестивал во Венеција, кој моментално се одржува на островот Лидо, да размислуваат да ги спречат ѕвездите да се вкрстат на настанот. И Пит и Џоли ги преставуваат своите филмови „Волци“ и „Марија“ на фестивалот. Директорот на фестивалот Алберто Барбера во интервју за Variety уверува дека сè е веќе обмислено.
Според него, актерите нема да се сретнат во Венеција, бидејќи премиерите на нивните филмови биле специјално распоредени на различни датуми. Така, Анџелина Џоли го претстави филмот „Марија“ со режисерот Пабло Ларин на 29 август, по што ќе оди со него во Телурид.
Што се однесува до Пит, тој во Венеција ќе се појави дури во сабота на 30 август.
Филмскиот фестивал во Венеција годинава има еден од најѕвездените состави по долго време. Гости се Лејди Гага (Џокер: Лудило за двајца), Џорџ Клуни и Бред Пит (Волци), Никол Кидман (Бебе), Анџелина Џоли (Марија), Џулијан Мур (Следна соба) и Кејт Бланшет (“Одрекување”). Сите овие главни ѕвезди ќе присуствуваат филмски проекции кои ќе траат од 28 август до 7 септември.
