Новиот филм на Нетфликс за Мерлин Монро, „Blonde“, ги вознемири гледачите поради сцената во која холивудската дива е брутално силувана, ни помалку, ни повеќе од покојниот американски претседател Џон Ф. Кенеди.
Филмот во кој во главните улоги се појавуваат Ана де Армас, Адриен Броди, Боби Канавале, Ксавиер Самуел, Каспар Филипсон и Џулиен Николсон, неодамна беше пуштен во кината и треба да се појави на Нетфликс на 28 септември 2022 година.
Сепак, треба да се има предвид дека најголемиот дел од дејствијата во филмот се измислени.
Иако филмот прикажува некои реални аспекти од животот на покојната актерка, поголемиот дел од заплетот е всушност заснован на измислениот роман на Џојс Керол „Oate“ од 2000 година.
Филмот предизвика бурни реакции откако беше објавено дека добил оценка NC17, што значи дека децата под 17 години не можат да го гледаат, дури и под надзор на возрасен.
Меѓутоа, сега е откриено дека филмот содржи повеќекратни прикази на сексуален напад и насилство.
Оние кои не беа погодени од „оваа“ рестрикција ги искажаа своите ставови за филмот и спорните сцени на Твитер, опишувајќи ги како мачни и непотребни.
„Жената е мртва, а вие без срам ја прикажувате како сексуален објект во половина филм.“, пишуваат на Твитер.
„Сцената со силување во филмот воопшто не е уметност, туку чиста измислица за мртва жена која во текот на животот рекла дека не сака луѓето да се шегуваат со неа на таа тема“, е еден од коментарите.
Освен Џон Кенеди, актерката во филмот е силувана и од филмскиот продуцент Дерил Занук.
Режисерот Ендрју Доминик целосно застана во одбрана на својот филм, иако за Screen Daily изјави дека тоа е „филм кој бара многу, и ако на публиката не и се допаѓа, тоа е нивен проблем“.
