Пејачката Емина Јаховиќ вчера го одржа својот втор концерт во Белград, а по него откри што навистина се случува меѓу неа и Саша Ковачевиќ. Емина повторно запеа пред белградската публика на својот втор солистички концерт, на кој присутните имаа можност на сцената да ги видат Џенан Лончаревиќ и Мирза Селимовиќ.
На претходниот концерт угости бројни колеги, меѓу кои и пејачката Милица Тодоровиќ, која е бремена, а забележливо беше отсуството на пејачот со кого го отпеа хитот „Још ти се надам“ – Саша Ковачевиќ.
По првиот концерт, Емина изјави дека „има многу дуети и не може да ги покани баш сите колеги“, по што Саша Ковачевиќ реши да го прекине молчењето и да открие зошто не дошол.
„Секого од колегите го почитувам. Два – три пати се случија некои работи што не беа колегијални, другарски. Тоа беше во минатото. Не се постави пријателски, а јас ја сметав за пријателка“, рече Ковачевиќ во емисијата на Огњен Амиџиќ и додаде дека „тој проблем датира одамна“, по што медиумите побараа Емина да ја прокоментира неговата изјава.
„Никогаш во животот со ниту еден мој колега не сум имала ништо лошо, никаков негативен вајб. Моите колеги се мои пријатели пред сè. Саша и јас имаме една безвременска песна. Јас напишав безвременската песна за нас двајца. Никогаш не сме имале никаков проблем, никаков судир, ниту сме си кажале нешто лошо“, рече Емина по завршувањето на концертот.
„Го поканив на првиот концерт, тој ми рече дека ќе оди кај Ивана Селаков, бидејќи и таа истата вечер имала концерт. Ивана му е кума и тој ѝ дал приоритет, што е целосно нормално, бидејќи и јас би отишла кај мојата кума. Што се однесува до Саша Ковачевиќ, не знам што изјавил, но јас навистина немам проблем.“
Медиумите се интересираа и дали и овој пат во публиката биле нејзините синови, на што Емина откри дека останале во Истанбул.
