Пејачот Саша Ковачевиќ неодамна го изговорил судбоносното „да“ на својата долгогодишна партнерка Зорана на тајна и интимна церемонија. Младиот пар, кој со нетрпение го очекува доаѓањето на своето прво дете, среќата ја споделил само со најблиските.
Саша Ковачевиќ искрено проговори за новото животно поглавје и ги откри убавите вести за тајната венчавка со Зорана, со која е во хармонична врска речиси цела деценија.
„Што се однесува до мене, веќе една недела или десет дена сум оженет, а така се чувствувам речиси десет години. Ако ништо друго, вие медиумите нема да имате интересни прашања поврзани со свадбата. Се трудевме сè да остане во тајност. Свадбата беше само за најтесниот круг наши најблиски луѓе и семејството. Зорана и јас имавме дваесетина гости. Уште од почетокот на нашата врска идејата беше венчавката да биде многу интимна“, откри Ковачевиќ.
Иако првично сакале да се венчаат во странство, плановите се промениле поради бременоста на Зорана.
„Сакавме тоа да го направиме надвор од Србија, но со оглед на тоа што Зорана сега е во петтиот месец од бременоста, се покажа дека е најдобро церемонијата да биде овде, за да бидеме поблиску до роднините и пријателите“, објасни пејачот.
За разлика од многу младенци кои чувствуваат трема и притисок, Саша откри дека атмосферата била совршена и опуштена.
„Не бев ниту стегнат, ниту исплашен. Сакавме да направиме добра забава и тоа ми беше единствената цел. Уште од првата година од врската знаев дека Зорана е жената за цел живот. Кога не сте сигурни, може да постои доза на трема, но во нашиот случај имаше само добра забава. Искрено, не знам кој најмногу се опушти. Зорана не остана до крај бидејќи побрзо се заморува, па си легна порано, а ние останавме до три часот по полноќ“, призна тој.
Младоженецот се пофали дека од роднините и пријателите добиле комплимент дека тоа била „најубавата свадба на која некогаш присуствувале“, а откри и кој бил најемотивен.
„Главно жените. Тие секогаш поотворено ги покажуваат емоциите, па најмногу солзи имаше од женската страна. Но, тоа не е важно, важно е што сè помина прекрасно“, рече пејачот.
Многубројни колеги од естрадата му упатиле честитки, но фокусот моментално е насочен кон бебето кое треба да се роди наесен.
„Навистина голем број колеги ми честитаа за детето, а потоа и за свадбата. Секако дека ќе направам голема прослава кога ќе се роди малиот Ковачевиќ. И вие ќе ми бидете драги гости. Терминот е во ноември“, најави Ковачевиќ.
Кога станува збор за името на наследникот, последниот збор ќе го има Зорана.
„Сè уште не знаеме како ќе се вика. Имаме неколку предлози, а и Зорана има свој фаворит. Не знам дали ќе победиш“, рече низ смеа пејачот. „Убаво е името, но сè уште не е конечно. Како што ќе одлучи таа, така ќе биде. Најважно е што многу ја сакам и ја почитувам својата сопруга и нормално е таа на крајот да го избере името.“
Подготовките за доаѓањето на момчето сè уште се во почетна фаза, а единствената грижа на пејачот се непроспиените ноќи.
„Сè уште немаме купено сè што е потребно за бебето. Мислам дека е рано бидејќи е во петтиот месец, но од седмиот месец почнуваме со уредување на собата и набавка на потребните работи. Единствено што малку ме загрижува е недостатокот на сон, бидејќи работам работа што бара многу енергија“, искрено призна Саша.
На крајот, Ковачевиќ се осврна и на бременоста на Зорана, истакнувајќи колку е среќен што таа одлично го поднесува овој период.
„Зорана се чувствува феноменално. Луѓето малку ме плашеа со приказни дека жените во бременоста се однесуваат поинаку, но морам да кажам дека Зорана е чиста десетка. И самата вели дека не се чувствува како да е бремена. Се однесува исто како и пред една година, без некакви хормонални промени“, заклучи пејачот.
