Поранешната сопруга на војводата од Јорк Сара Фергусон е оперирана за да се отстрани малигнен тумор на града, пренесува Дејли Мејл.
„На Сара, војвотката од Јорк, неодамна ѝ беше дијагностицирана рана форма на рак на дојка при рутински мамограф. Ѝ беше препорачана операција, која беше успешна“, соопшти портпаролката на Фергусон.
Sarah Ferguson thanks hospital staff who detected her breast cancer and performed ‘successful’ operation https://t.co/0aCtqefprf pic.twitter.com/vAhWxVxl7X
— Daily Mail Online (@MailOnline) June 26, 2023
63-годишната војвотка сега е на медицинска нега, а прогнозите за текот на болеста се позитивни. Таа сега се опоравува од операцијата во друштво на своето семејство.
„Војвотката ја изразува својата бескрајна благодарност до целиот медицински персонал кој ја поддржа во овој период“, додаде портпаролката на Сара Фергусон.
На крајот, таа заклучи и дека „војвотката е благодарна и на лекарите кои го направиле мамографот, благодарение на што ѝ била дијагностицирана болест која не покажува никакви симптоми“.
