Ричард Гир престојува во Катанѕаро, Италија, и го искажа своето мислење за војната во Украина. Но одговори и на прашањето што мисли денес за филмот „Убава жена“.
Поминаа 40 години од премиерата на хит филмот „Официр и џентлмен“ и 32 години од „Убава жена“, но за Ричард Гир (73) времето изгледа не поминало.
Светло сина кошула, темни панталони и бела коса скратена многу кратко, американскиот актер, пријател на Далај Лама и убеден будист, пристигна во Катанзаро, каде што присуствува на филмскиот фестивал Магна Греца. И навистина изгледа како момче.
И така, на прес-конференцијата која започна со повеќе од еден час доцнење, почнува: „И мене ме прави среќен тоа што ве гледам сите насмеани“.
Продолжение или преработка на хитот „Згодна жена“?
„Поминаа многу години од 1990 година кога беше објавен филмот, но и покрај фактот што повеќе од еднаш режисерот Гари Маршал ми предложи можен римејк, замислувајќи чудни случувања, на крајот никогаш не е направено ништо. Искрено, никој не очекуваше таков успех, филм способен да создаде таков облик на идентификација. Убава жена беше магија, магичен допир, форма на заљубување. Не знаеш зошто се заљубуваш во некого, но тоа се случува“, вели Гир.
А, што мисли за Украина?
„Во апсолутна смисла, јас сум пацифист и ненасилна личност, но во релативниот свет во кој живееме, сè уште е неопходно да се заштитиме и да им помогнеме на оние кои се во тешкотии, како што е случајот во Украина. Единствените организации кои се обидуваат да го применат владеењето на правото во моментов се НАТО и Европската унија“. А, Кина? „Јасно е дека таа спроведува долгорочен план за моќ, можете да видите од тоа како се однесувала со Тибет и Монголија. Сепак, едногласноста со која ѝ се помогна на Украина ветува поодговорно однесување во иднина, од сите. Во оваа смисла, Путин е вчудоневиден затоа што не очекуваше таков хомоген одговор против неговата инвазија“, објаснува Гир.
