Ретка слика од целото семејство објави Живкица Каленикова на која се гледа колку пораснале нејзините три деца.
На сликата до празничната трпеза, познатата водителка е со сопругот Зоран и децата: ќерката Ана и синовите Даријан и Марко. Таа е позната како добра домаќинка, а во една прилика на таа тема зборуваше за „Слободен печат“.
-Сакам убава храна, сакам убаво да си јадеме, сакам да им зготвам на децата, така ми останало од мајка ми. Најубав комплимент ми е кога ќе влезат дома и кога ќе кажат: „Мириса како кај Нанче – кај мајка ми“. Тоа ми е најубавото нешто кога ќе го слушнам- рече Живкица.
Правам преубаво оривче во тавче, она „најбапското“, она што од мајка ми сум го научила како рецепт, растурена сарма, што и јас многу ја сакам, полнетите пиперки што ги обожаваат децата – и јас ги сакам, компир манџа.
Зборувам за оние традиционални јадења. Она што уште не можам да го изучам е да ги направам јуфките онака како мајка ми – домашни таљатели, а знам и да месам. Така што, тоа се моменти што ги сакам и ги негувам и денес- рече Живкица.
