Аукциите на часовници за 60-годишнината на агентот 007 постигнаа рекордни бројки.
Да, Џејмс Бонд полни шеесет години само еднаш, но никој не би ни замислил дека часовниците Омега што тајниот агент 007 ги носел за потребите на неговиот последен филм, достигна толку импресивни бројки.
Богатите колекционерски фанови на 007 покажаа огромен интерес за двата Омега часовници што ги носеше Даниел Крег во „Нема време за умирање“ (2021). Часовниците се појавија на аукција како дел од хуманитарната продажба Шеесет години Џејмс Бонд – претставена од ЕОН Продукција и Кристис.
Синоќа, на аукцијата во живо, страсните колекционери понудиле вртоглави суми за часовниците, но не само за нив, туку и за реквизити и костими, од кои повеќето се поврзани со 25-тиот филм на Бонд, „Нема време за умирање“.
Така, моделот Seamaster Diver 300M 007 Edition беше продаден на аукција за рекордна сума од 226.800 фунти, што е еднакво на околу 253.400 евра по денешниот курс. Но, продажбата е уште повпечатлива ако се земе предвид дека пред аукцијата, аукциската куќа Кристис изразила проценка од 18.500 до 24.500 долари.
View this post on Instagram
Вториот часовник, модел Bond Omega Seamaster Aqua Terra Master Co-Axial направен од не’рѓосувачки челик беше продаден на аукција за 119.700 фунти (133.740 евра). Приходите од продажбата ќе бидат донирани во хуманитарни цели.
View this post on Instagram
Новите сопственици на часовниците ќе ги добијат во персонализирана кутија со сертификат потпишан од продуцентите на Џејмс Бонд, Мајкл Г. Вилсон и Барбара Броколи, од претседателот и извршен директор на Омега, Рејналд Ешлиман и од актерот Даниел Крег.
Онлајн продажбата ќе продолжи до 5 октомври, Денот на Џејмс Бонд, со 35 аукции кои се однесуваат на сите дваесет и пет филмови, вклучувајќи постери, реквизити, костими и сувенири.
