40-годишната Бренди Мелори, која се прослави благодарение на учеството во реалното шоу за екстремно слабеење, почина под чудни околности, пренесува Daily Star.
Таа стана позната по тоа што изгуби 68 килограми за време на четвртата сезона на емисијата „Екстремно слабеење“ на каналот Еј-Би-Си.
Мелори била пронајдена мртва на паркинг во Чипотл во Стоун Маунтин, Џорџија, САД.
Загрижен сопственик на самопослуга која се наоѓала во близина на паркингот ја забележал во нејзиниот автомобил и веднаш повикал полиција мислејќи дека спие падната врз воланот.
Полициските извештаи покажуваат дека нема траги на насилна смрт и во моментов се истражуваат причините за смртта.
Нејзината пријателка Џејн рече дека Бренди Мелори била „вечен оптимист“ и многу позитивна личност. Според нејзиното мислење, Мелори е „многу голема личност“ која „многу ќе ѝ недостига“.
„Таа не се жалеше за ништо и не наоѓаше мана никому. Беше полна со живот, секогаш бараше начин да го подобри животот за неа и за оние околу неа, а исто така настојуваше да ги охрабри сите околу неа“, сподели Џејн.
Пријателите исто така ја опишуваат Мелори како личност која била искрена.
„Кога некој како Бренди ќе замине, навистина е тешко да се разбере зошто“, вели нејзината пријателка Џејн.
