Рада Манојловиќ откри дека повторно е вљубена и дека со новиот партнер планира венчавка и семејство, додека нејзиниот поранешен дечко Харис Берковиќ се повлекува од јавноста и наскоро заминува на турнеја во Америка.
По бурните години и раскинот што често беше тема на насловните страници, изгледа дека пејачката конечно пронашла стабилност.
Рада години наназад беше во врска со Милан Станковиќ, а по него и со Харис Берковиќ. Со Харис важеше за еден од најскладните парови на естрадата, а многумина веруваа дека ќе се венчаат. Сепак, во 2022 година ја објавија крајот на врската, без скандали и без големи коментари во јавноста.
„Харис и јас повеќе не сме заедно. Благодарам на сите заеднички фан-страници за поддршката и му посакувам среќа во кариерата и животот. Нема да коментирам многу, како што не коментирав ни додека бевме заедно“, порача тогаш Рада.
По раскинот, Рада се посвети на работата и приватниот живот, додека Харис постепено се повлече од јавноста. Недавно откри дека добил американска виза и наскоро ќе отпатува „преку океанот“ поради музичка турнеја.
Додека Харис гради нови планови во Америка, Рада започнува нова љубовна приказна и се подготвува за најубавите животни промени.
