Џејмс Холт, зетот на Росана Сариќ-Тодоровска и на нејзиниот сопруг, Ѓорѓи Тодоровски-Трупче, е многу интересна личност. Џејмс е сопруг на нивната ќерка Ивана и татко на два сина, Ноах и Матео.
Тој е Англичанец, а секогаш добивал многу пофални зборови од Росана дека е посветен татко и добар сопруг.
И на неговиот фејсбук-профил може да се види дека е духовиот човек, многу посветен на семејството, вљубеник во природата и личност која ги сака животните. Негова страст се тетоважите, исто како и на неговата сопруга Ивана.
Неодамна, по нејзиниот настап на јубилејниот 40. „Макфест“ во Штип, Росана Сариќ-Тодоровска која ја испеа легендарната песна „Признавам“, овојпат без нејзината сестра близначка Маријана, за ќерката и за нејзиното семејство откри:
– Тоа е прекрасно чувство и живееме за нив. За жал, повеќе не живеат во Македонија, се преселија во Англија и сега веќе се гледаме на камера. Во моментов ни дојдоа на гости, па можеби за Нова Година или Божиќ пак ќе ни дојдат.
Па, и ние ќе отидеме таму. Само знам дека е тешко, особено мене, бидејќи некако цел живот само дочекувам и испраќам на аеродром. Тоа навистина е многу тажно, тешко ми е на душата, но не сакам да зборувам бидејќи солзите сами ми течат – рекла Росана за „Канал 77“.
