(Фото) Шеф Никола го критикуваат, иако драстично ослабе и живее здраво

Откако драстично ослабе, шеф Никола Мишковски од „Брза кујна“ добива пофалби, но и критики на сметка на својот изглед и здравиот начин на живот.

„Не иде Шеф без стомак! Што правите ало?!?!“, стои во еден од коментарите кои познатиот готвач ги доби на неговиот инстаграм-профил, а еден друг му вели: „Врати се во нормала“. На ова шеф Никола одговори: „Се сменија времињата, бато“.

Својата мотивација и секојдневното вежбање во теретана, тој во една прилика детално ги објасни на Инстаграм.

– Секој ден кога ќе влезам во теретана, тоа е битка со себеси. Не со тежините, не со другите луѓе – туку со гласот во главата што сака да се откаже.

Тука нема магија, нема тајни формули. Постојат само труд, дисциплина и истрајност. Секое повторување е чекор поблиску до целта. Секој литар пот е доказ дека не се предавам.
Болката е привремена, но резултатите и гордоста остануваат засекогаш.

Затоа не застанувај кога си уморен – застани кога ќе завршиш. Не дозволувај изговорите да бидат посилни од твоите соништа. Патот е тежок, но вреди.

Ова е мојата приказна. Ова е мојата мотивација. А ти? Дали ќе ја дадеш твојата 100 отсто денес? – напиша готвачот.