Во случај на руско ембарго на нафта, „Европа ќе биде регион со највисоки трошоци за цените на енергијата“.
Западот се движи кон „еден вид енергетско самоубиство“ со воведување санкции за руските испораки. Ова го изјави рускиот претседател Владимир Путин во разговор со руските нафтени компании во Москва.
„Долгорочно – додаде тој – ќе ги трпи последиците, а тоа предизвикува штета на европската економија. ЕУ става санкции под притисок на САД и ја уништува сопствената економија“, пренесува Тгком24.
Санкциите, според Путин, „доведоа до фактот дека цената на нафтата на пазарите драстично се зголемува и цените на нафтените деривати растат со вртоглаво темпо. Се обидуваат да не обвинат за оваа енергетска инфлација, за се е виновна Русија. Но, Западот се обидува да ги прикрие своите систематски грешки “.
Рускиот претседател зборуваше за „тектонски промени“ на нафтениот пазар: „Да се прави бизнис како порано е невозможно“, пренесува новинската агенција Риа Новости.
