Композиторот и пејач Дејан Костиќ конечно реши да стави крај на шпекулациите и првпат отворено да зборува за прекинот на соработката со пејачката Александра Пријовиќ.
Веста за нивното разделување привлече големо внимание во јавноста, особено на социјалните мрежи, каде што се појавија бројни претпоставки. Нивната успешна соработка донесе неколку големи хитови на домашната музичка сцена, како „Дам дам“, „Психо“ и „Марш“, па токму затоа оваа тема предизвика многу реакции.
На прашањето дали финансиските причини биле клучни за прекинот, Костиќ беше дециден:
„Не. Тоа секогаш може да се реши. Проблемот е енергијата – кога ќе се наруши, тогаш е крај. Јас не сум човек што прво ќе зборува лошо, па потоа ќе се премисли. Имам голем праг на толеранција кон пријателите, но кога ќе се расипе односот, тука завршува. Имам многу обврски и морам да се посветам на својата кариера, како и на најголемата кариера на Балканот – онаа на Цеца“, изјави Костиќ.
Тој зборуваше и за соработката со Цеца, откривајќи дека дел од песните што првично биле наменети за Пријовиќ, завршиле кај неа. Како што рече, уште од мал сонувал да работи со неа.
„Не оди да работиш со Цеца и да ѝ нудиш песни што не се создадени за неа. Уште како дете сакав да соработувам со неа. Не можеш да сонуваш дека ќе работиш со некој помлад од тебе. Растев со нејзините песни – тоа се идоли што се формираат рано. Таа има толку многу хитови што може да направи концерт без ниедна туѓа песна – и тоа врвен концерт“, вели Костиќ.
Тој додаде дека таквото ниво се гради со години:
„Таа има листа од над сто свои хитови – може со затворени очи да избере песни и да направи совршен концерт. Другите мора многу да работат, бидејќи за добар концерт треба да имаш барем триесет свои песни, за да не зависиш од туѓ репертоар. Денес стана тренд да се пеат и туѓи песни“, заклучи тој.
