Њујоршката полиција ја истражува можноста дека Ивана Трамп, првата сопруга на поранешниот претседател Доналд Трамп, пронајдена мртва вчера, паднала по скалите од нејзиниот стан во Upper East Side, поради конкретна причина.
Причината за смртта се уште не е објавена, но според ABC, 73-годишната деловна жена починала од срцев удар.
Сега лекарот проверува дали падот придонел за смрт или сепак, прво настанал срцевиот удар, па потоа паднала по скалите.
„Таа е пронајдена во бессознание на дното од скалите кога брзата помош дојде на помош вчера нешто по пладне и беше констатирана смрт на лице место“, изјави извор на интернет страницата „Радар“.
Според Њујорк Тајмс, немало знаци на принудно влегување во станот, нема сомнеж за убиство и смртта изгледа случајна.
Ивана последен пат беше фотографирана на улиците на Менхетен минатиот 22-ри јуни. Поранешниот чехословачки модел беше во брак со Трамп 15 години, од 1977 до 1992 година. Објавата за нејзината смрт вчера ја објави самиот поранешен претседател на САД со твит на социјалната мрежа Трут: „Таа беше убава, прекрасна и извонредна“. .
