Во семејниот дом на покојниот Саша Поповиќ за првпат беше одбележана славата Три Свети Јерарси без негово присуство. Емоционалниот момент го сподели неговата ќерка Александра, која на социјалните мрежи објави фотографија од празничната атмосфера во домот.
На објавата може да се види уредно поставена трпеза, славски колач, запалена свеќа и голема икона на ѕидот. Декорацијата е сведена, со нагласок на традицијата и духовниот аспект на празникот. Вино, празнични салфетки и внимателно подготвен прибор за јадење дополнително ја заокружуваат семејната атмосфера. Објавата беше проследена со духовната песна „Говори, Господе“.
Ова е прва семејна слава по смртта на долгогодишниот директор на „Гранд“, кој остави силен печат на регионалната музичка сцена преку својата работа во продукцијата Гранд продукција.
Во меѓувреме, за својот однос со Поповиќ неодамна проговори и музичарот Александар Софронијевиќ. Тој откри дека со години соработувале и дека жали што не ги прифатил советите што ги добивал додека Поповиќ бил жив.
„Памтам го како неверојатно искрен човек, кој веднаш кажува што мисли. Со него немаше сиво, туку само црно или бело. Неговите зборови секогаш ми се во глава, а најважната лекција што ја научив е дека во оваа работа е најбитно да траеш, да се развиваш, да учиш и никогаш да не заборавиш од каде си тргнал. Тие негови зборови ми одѕвонуваат каде и да одам и што и да правам“, истакна Софра.
Тој додаде дека повеќепати добивал охрабрување да започне нови проекти додека Поповиќ активно ја водел продукцијата, но дека тоа го одложувал.
„Имав трема кога ја слушна првата песна, а кога ја видов неговата насмевка: ‘Генијалец’. Тоа беше тоа. Ме праша колку брзо можам да работам, вели има 600 песни, со месеци и денови работевме на тоа, ги враќавме песните во етер. Имаше неверојатен инстинкт кој што треба да пее и како да работи. Она што ми е жал, многу пати ми велеше: ‘Ајде, додека сум тука, додека водам сè, сними нешто, направи нешто’… Никогаш не го направив тоа и многу ми е жал. Секогаш мислев дека не е време, дека треба уште да созрееме, да научиме. Тој беше во право, требаше порано да почнам. Жал ми е што не го послушав“, изјави тој за „Гранд ТВ“.
