Принцот Вилијам се чувствува изневерен поради објавувањето на мемоарите на неговиот брат, војводата од Сасекс Хари, пренесува Daily Beast, повикувајќи се на извор близок до принцот престолонаследник.
„Не е убаво да се претера со количеството на презир што го имаат Хари и Меган за Вилијам. Апсолутно ги мрази и не може да поверува дека Хари може да им го направи ова нему и на Кејт Мидлтон. Тој се чувствува целосно изневерен и длабоко тажен поради сето она што се случило. По ова нема да има враќање назад“, изјавил неименуван пријател на Вилијам за Daily Beast.
Британските новинари блиски до кралското семејство нагласуваат дека Вилијам најмногу бил погоден од нападите врз него и неговата сопруга Кејт Мидлтон што принцот Хари ги упатил преку книгата мемоари.
Претходно излезе веста дека принцот Хари во својата автобиографска книга Spare открил дека тој и неговиот брат „го молеле“ нивниот татко да не се ожени со Камила Паркер-Боулс.
Фрагменти од мемоарите на принцот Хари „Spare “ се објавени во британските медиуми откако новинарите на „Сан“ се повикаа на примерок од книгата на продажба во една шпанска продавница.
Бакингемската палата сè уште не ја коментира книгата со откритијата на принцот Хари од неговите искуства во семјеството.
