Кенсингтонската палата сподели три нови фотографии од принцезата, која полни седум години на 2 мај.
Нешто повеќе од една недела по четвртиот роденден на Луис – синчето на Кејт и Вилијам, вниманието денес е целосно насочено на неговата постара сестра Шарлот, која дува 7 свеќички (2 мај). За таа прилика, палатата Кенсингтон објави три нови фотографии од принцезата.
View this post on Instagram
Фотографиите, направени како и обично од мајката Кејт Мидлтон, го прикажуваат малото девојче во поле со сини цвеќиња, во совршено совпаѓање со светло синиот џемпер потпишан од Ралф Лорен што го носи малата принцеза. На крајот, ништо не е оставено на случајноста на фотографиите направени од војвотката. На снимките се гледа и детската наклонетост кон кучето, Орла, црн кокер шпаниел кој потекнува од малата одгледувачница на Џејмс Мидлтон, брат на Кејт, куче кое војводите од Кембриџ го вдомија по смртта на Лупо, нивното прво куче.
Шарлот Елизабет Дијана среќно се насмевнува пред објективот на мама Кејт, покажувајќи ја неверојатна сличност со нејзиниот татко Вилијам кога бил на иста возраст.
Лоти, како што ја нарекуваат во семејството, е дружељубива и самоуверена, многу повеќе од нејзиниот постар брат, но и мала „шефица“, како што некогаш ја нарекува прабабата – кралицата.
Девојчето има добра интуиција според зборовите на татко ѝ, Вилијам кој додава дека „ако ја прашате вели дека има шеснаесет години“.
Некои членови на кралското семејство пак, ја нарекуваат принцезата-воин.
