Принцот Вилијам е убеден дека терапевтот му го „испрал“ мозокот на неговиот помлад брат Хари, судејќи според она што е напишано во неговата нова книга мемоари, пишува Дејли Мејл.
Во вторник, на 10 јануари, ќе бидат објавени мемоарите на принцот Хари насловени Spare. Во Шпанија книгата излезе во продажба порано од очекуваното, па затоа дел од информациите содржани во неа веќе протекоа во медиумите.
Како што пишува „Дејли мејл“, во своите мемоари, војводата од Сасекс ја допрел врската со својот постар брат.
На страниците од книгата, Хари наводно се присетил како Вилијам бил загрижен за неговиот терапевт и дури побарал да дојде со него на една од сесиите да види дали е добар. Принцот од Велс бил убеден дека на неговиот помлад брат пихотерапевтот му го „пере“ мозокот, дека му помогнал да се сфати себеси како „нездрав“ и „неразумен“, и дека така и го навел да се реши да ги напушти кралските должности и да започне нов живот во странство.
Пред извесно време, Хари инаку, отворено го нарече Вилијам свој „главен непријател“. „Отсекогаш постоело ривалство меѓу нас. Бескрајна борба “, рече тој на етерот на телевизискиот канал ABC.
