Чарлс Кимброу, актер номиниран за Тони и Еми, кој глумеше заедно со колешката Кендис Берген во американската популарна серија „Марфи Браун“, почина на 11 јануари во Калвер Сити, Калифорнија. Тој имаше 86 години. А веста е пренесена дури вчера.
Кимброу го играше новинарот Џим Диал во 10-те сезони на хит ситкомот на CBS „Марфи Браун“ помеѓу 1988 и 1998 година, заработувајќи номинација за Еми во 1990 година за извонреден спореден актер во хумористична серија. Тој ја повтори улогата во три епизоди во рестартирањето на серијата во 2018 година.
Њујорк Тајмс прв ја објави неговата смрт, а неговиот син и агентите го потврдија тоа во неделата за Асошиетед прес.
Actor Charles Kimbrough, best known as Jim in Murphy Brown, dies at 86 https://t.co/kkvDnHjoWc
— ABC News (@abcnews) February 6, 2023
„Без разлика дали на сцената или пред камерата, тој беше радост да се гледа“, рече SMS Talent, Inc., агенцијата за таленти што го претставуваше Кимброу.
Агенцијата соопшти дека актерот починал од природна смрт во болница.
Сопругата на Кимброу, актерката Бет Хауланд, која ја играше Вера во серијата „Алис“ од 1970-тите и 80-тите на CBS, почина во 2016 година. Тие се венчаа во 2002 година, повеќе од една деценија по неговиот развод во 1991 година од неговата прва сопруга, Мери Џејн (Вилсон) Кимброу, која почина во 2007 година.
Кимброу зад себе ја остави сестраси, Линда Кимброу, синот Џон Кимброу, поќерката Холи Хауланд и внуката Коди.
