Премиерот на Шри Ланка Ранил Викрамасинг денес ( среда) објави полициски час во западната провинција (во која се наоѓа Коломбо) и вонредна состојба низ островот. Ова го пренесува информативниот портал Ада Дерана.
Премиерот им наредил и на безбедносните сили да го приведат секој што предизвикува немири.
Од кабинетот на шефот на владата на земјата изјавиле за новинарите дека премиерот, како вршител на должноста шеф на државата по бегството на претседателот Готабаи Рајапакса од островот, има право на такви дејствија. Премиерот, исто така, наредил да се задржат и одземат сите камиони и други возила со кои демонстрантите се движат низ островот.
Претходно, демонстрантите се обидоа да упаднат во зградата на кабинетот на премиерот во Коломбо. Полицијата употребила солзавец и водени топови за да ги растера оние кои се обиделе да ги пробијат барикадите и да влезат во зградата.
Вчера, претседателот Готабаја Рајапакса, придружуван од неговата сопруга, ја напушти островската држава и полета за Малдиви.
Претседателот на Шри Ланка, по неколку обиди за бегство, успеал да избега со сопругата на Малдиви
