На Бреговиќ минатиот викенд му беше забранет влез во Молдавија, а сега се објавени и деталите.
Според извор близок до владата, кој во понеделникот бил контактиран од новинар на АФП, 73-годишниот музичар „се наоѓа на државната листа од 2022 година поради неговите проруски ставови“. Бреговиќ пристигнал во саботата, но нему и на другите музичари кои го придружуваа не им бил дозволен влез во земјата.
Бреговиќ одржа концерт на Крим во март 2015 година, непосредно откако Русија го анектираше украинскиот полуостров. Украина ја критикуваше неговата одлука во тоа време и ја сфати како знак на поддршка за Москва.
Од почетокот на конфликтот во Украина, Горан Бреговиќ ретко коментира за воената состојба. Во мај, тој за италијанскиот „Кориере дела сера“ изјави дека жали за „сите загинати, војници и цивили, Украинци и Руси“.
„Со жалење ве известуваме дека Горан Бреговиќ и неговиот бенд нема да можат да настапат на фестивалот вечерва поради причини кои се надвор од контрола на организаторите или на уметниците“, објавија во неделата организаторите на Гитар Мјузик Фестивал.
„За жал, не им беше дозволен влез во Република Молдавија, иако веќе слетаа на аеродромот“, стои во пораката на управата на фестивалот објавена на Фејсбук.
