Холивудскиот актер Алек Болдвин и продуцентите на филмот „’Рѓа“ се договориле со семејството на Халина Хачинс, која беше убиена откако Болдвин пукал од реквизит.
Договорот што чека одобрување од судот, беше објавен вчера. Според спогодбата, снимањето на филмот „Рѓа“ ќе продолжи во јануари со првичниот режисер на филмот, Џоел Соуза, а Метју Хачинс, сопругот на починатата Халина, ќе биде извршен продуцент.
– Постигнавме спогодба, што сега треба судот да ја одобри, за нашиот случај со несаканата смрт, против продуцентите на „’Рѓа“. Како дел од оваа спогодба, нашиот случај ќе биде повлечен. Снимањето, кое сега јас ќе го продуцирам, ќе продолжи со сите првични „главни играчи“ во јануари 2023 година – изјави Метју.
Во изјавата што ја објави „Дедлајн“, Метју Хачинс вели дека ќе ја преземе улогата на извршен продуцент и дека сите оригинални актери ќе бидат вклучени во продолжението на снимањето, што, како што истакна, ќе биде „оддавање почест“ на последното дело на неговата покојна сопруга.
„Низ овој тежок процес, сите ја задржаа специфичната желба да го направат она што е најдобро за синот на Халина. Благодарни сме на сите што придонесоа за решавање на оваа трагична и болна ситуација“, рече адвокатот на Алек Болдвин, Лук Никас од Квин Емануел, во соопштението.
Тој нагласи дека нема интерес да продолжи со обвинувања и припишување вина на продуцентите и Болдвин.
– Сите ние веруваме дека смртта на Халина беше страшна несреќа. Благодарен сум што продуцентите и забавната индустрија се здружија да му оддадеме почит на последното дело на Халина, заклучи Метју.
И Алек Болдвин ја потврди веста за спогодбата.
View this post on Instagram
